 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Стамілася
глядзець у вакно –
падышла да суседняга.
І за ім тое ж самае...
Стамілася
глядзець у неба –
зірнула ў калюгу.
І ёю плылі аблокі...
Стамілася
глядзець у люстэрка –
паглядзела ў вочы каханага.
Пакуль кахаю(ць) – прыгожая...
Стамілася
глядзець у сябе –
няма куды падзецца...
І зноўку гляджу
ў вакно і вакно,
у неба і ягонае адлюстраваньне,
у люстэрка і нябёсы вачэй.
Кінешся з вакна –
душа адляціць у неба,
зірнуўшы на разьвітаньне
ў калюгу з аблокамі,
люстэрка завесяць,
зь нябёсаў вачэй закрапае дождж.
А вакно застанецца
шчасьлівым.
Суседняе.
І за ім
тое ж самае...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
